கலித்தொகைப் பாடல்கள் 24

 

ரசனைக் குறிப்புகள்: 24

 

இவளின்றி நான் வாழேன்!

 

முறம்போன்ற செவியின் மறைப்பிடமாய்

பாய்ந்து தாக்கிய புலிய,

அறமல்லாதன செய்த துரியோதனனின்

தொடையைத் தாக்கி பீமசேனன் கொன்றதுபோல்

அதன் தொடையைத் தன் தந்தங்களால் குத்திக் கொன்ற

யானையானது,

மல்லர்களை வென்ற திருமால்போல்

தன் சுற்றத்துள் பெருமிதமாய் நடந்து திரியும் நாடனே,

இதைக் கேள்:

 

மாலை சூடிய என் தலைவி

சுட்டிய இரவுக் குறிக்கு

தாமரை மலர் மாலை அணிந்து

தண்ணறும் சாந்து மார்பில் பூசி

நீ வரின்,

மணம் வீச மலை வழியில் நின்று

பலியெடுக்கும் அணங்கு என

மலை வாழ்நர் உன்னை எண்ணிவிடுவர்.

 

தொங்கும்படியான கூந்தலுள்ள என் தலைவி

சுட்டிய இரவுக் குறிக்கு

ஈர ஆடையோடும் இருட்டிலேயும்

நீ வரின்

தீப்பந்தம் ஏந்துவோர், கவண் எறிவோர்,

அம்பெய்வோராகிய தினைப் புனக் காவலர்

உன்னைக் களிறென்று ஆர்ப்பரிப்பர்.

 

அகன்ற அடிவயிற்றையுடைய என் தலைவி

சுட்டிய இரவுக் குறிக்கு

அவள்மீது அன்புகொண்டவனும்

மலைநாட்டுத் தலைவனுமாகிய நீ

வரின்

புலியென ஊர் உன்னை எண்ணிவிடும்.

அவ்வாறு விலங்கென எண்ணாது

உண்மையை ஊர் அறிந்தால்

தன்மீது ஏற்படக்கூடிய பழியோடு

இவள் உயிதோடு வாழமாட்டாள்.

இவளில்லாமல் நானும் வாழமாட்டேன்.

 

அதனால் காலையிலேயே வந்து

உன் விருப்பத்தைக் கூறி

இவளை நீ பெண் கேட்கவேண்டும்.

 

புதியதுபோன்ற உன் வரவையும்,

மண நினைப்பில் தலைவியின் வெட்கப்பாட்டையும்

நான் சந்தோஷமாகக் காணவேண்டும்.

 

முறஞ்செவி மறைப்பாய்பு முரண்செய்த புலிசெத்து

மறந்தலைக் கொண்ட நூற்றுவர் தலைவனைக்

குறங்கறுத் திடுவான்போல் கூர்நுதி மடுத்து அதன்

அதன் நிறம்சாடி முரண்தீர்ந்த நீள்மருப்பு எழில் யானை

மல்லரை மறம்சாய்த்த மால்போல் தன்கிளை நாப்பண்

கல்லுயர் நனம்சாரல் கலந்தியலும் நாட, கேள்!

 

தாமரைக் கண்ணியைத் தண்நறும் சாந்தினை

நேரிதழ்க் கோதையாள் செய்குறி நீவரின்,

மணம் கமழ் நாற்றத்த மலைநின்று பலிபெறூஉம்

அணங்கென அஞ்சுவர் சிறுகுடியோரே.

 

ஈர்ந்தண் ஆடையை எல்லி மாலையை

சோர்ந்து வீழ் கதுப்பினாள் செய்குறி நீ வரின்

ஒளிதிகழ் ஞெகிழியர் கவணையர் வில்லர்

களிறென ஆர்ப்பவர் ஏனல் காவலரே.

 

ஆர மார்பினை அண்ணலை அளியை

ஐதகல் அல்குலாள் செய்குறி நீவரின்

கறிவளர் சிலம்பில் வழங்க லானாப்

புலியென்று ஓர்க்கும் இக் கலிகேழ் ஊரே.

 

எனவாங்கு

விலங்கு ஓரார் மெய்ஓர்ப்பின் இவள் வாழாள் இவளன்றிப்

புலம்புகழ் ஒருவ, யானும் வாழேன்.

அதனால் பொதியவிழ் வைகறை வந்து நீ குறைகூறி

வதுவை அயர்தல் வேண்டுவல் ஆங்குப்

புதுமை போலும் நின்வரவும் இவள்

வதுவை நாண் ஒடுக்கமும் காண்குவல் யானே!

 

(குறிஞ்சிக் கலி: 16)

Comments

Post a Comment

Popular posts from this blog

கலாபன் கதையும், புனைவின் சில சிக்கல்களும் - டி. சே.இளங்கோ

Image
............................................................................. கடல் பயணங்கள் பற்றி தமிழில் விரிவாக எழுதப்பட்ட படைப்புக்கள் அரிதென்றே கூறிவிடலாம் . அருளரின் ' லங்காராணி ', 1977 இல் தமிழர் மீதான இனப்படுகொலை நிகழ்ந்தபோது கொழும்பிலிருந்து தப்பி வந்த அகதிகளின் கடல்பயணத்தை விபரிக்கின்றது .. தேவகாந்தனின் ' கலாபன் கதை ' யின் கதைசொல்லி 1973 இல் கப்பலில் வேலை செய்யப்போவதில் தொடங்கி , இலங்கையில் இனப்படுகொலை காடையர்களால் மீண்டும் நடத்தப்படுகின்ற 1983 வரை நிகழ்கின்றது . கலாபன் மனோகரியைத் திருமணஞ் செய்து , முதல் குழந்தை பிறந்தவேளையில் குடும்ப நிலைமையின் காரணமாகக் கப்பலுக்கு வேலை செய்யப் போகின்றார் . ஒரு சாதாரண தொழிலாளியாகப் போகும் கலாபன் , அடுத்த பத்தாண்டுகளில் மூன்றாம் நிலை பொறியியலாளாகப் பதவி உயர்வுபெறும் வரை , அவரின் கப்பல் பயணங்களின் அனுபவத் தொகுப்பெனவும் இந்த நாவலை எடுத்துக்கொள்ளலாம் . அகன்று விரித்திருக்கும் கடல் , பல்வேறு நாடுகளுக்கு பொருட்களை ஏற்றியிறக்குவதற்காய்ச் செல்லல் , குடும்...
Read more

சாம்பரில் திரண்ட சொற்கள்பற்றி... வ.ந.கிரிதரன்

Image
  தேவகாந்தனின் 'சாம்பரில் திரண்ட சொற்கள்' பற்றி... - வ.ந.கிரிதரன் -   - வ.ந.கிரிதரன் -   வ.ந.கிரிதரன் பக்கம்   20 ஜூன் 2025 'சாம்பரில் திரண்ட சொற்கள்'  எழுத்தாளர் தேவகாந்தனின் அண்மையில் வெளியான நாவல்.  'தாய்வீடு' பத்திரிகையில் தொடராக வெளிவந்த நாவல் 'தாய்வீடு' பதிப்பக வெளியீடாக வெளிவந்துள்ளது. சிறப்பான வடிவமைப்புடன், ஓவியர் ஜீவாவின் அழகான ஓவியங்களுடன் வெளிவந்துள்ள நூல். ஒரு காலத்தில் பத்திரிகைகள், சஞ்சிகைகளில் வெளியான  தொடர்கதைகளின் வெற்றிக்கு அவற்றில் வெளியான ஓவியங்களும் ஒரு காரணம். 'பொன்னியின் செல்வன்' நாவலில் எம்மையெல்லாம் கவர்ந்த பாத்திரமான  வாணர் குலத்து வீரனான வல்லவரையன் வந்தியத்தேவனை .  அவனை உயிர்த்துடிப்புடன் வரைந்த் ஓவியர்களான மணியம், வினு, மணியம் செல்வன், பத்மவாசன் ஆகியோரின் ஓவியங்கள் வாயிலாகத்தான்  நினைவில் வைத்திருக்கின்றோம்.  'கடல்புறா' நாவலின் நாயகன் இளையபல்லவன் என்றழைக்கப்படும் கருணாகரத்தொண்டைமானை ஓவியர் லதாவின் ஓவியங்கள் மூலம்தான் நினைவில் வைத்திருக்கின்றோம்.  'ராணிமுத்து' வெளியீடாக வெளிவந்த மாத நாவல்களும் ஓவியங்...
Read more

'கனவுச்சிறை'பற்றி சஞ்சயன் செல்வமாணிக்கம் (முகநூல் பதிவில்)

Sanjayan Selvamanickam 2நா · “கனவுச்சிறை” ****** தேவகாந்தனின் 'கனவுச்சிறை' நாவல் ஒன்றே போதும் அவரைத் தலையில்வைத்துக் கொண்டாட. இதுவரை வெளிவந்த ஈழப்போரட்டம் பற்றிய புனைவுகளில் இது உச்சம் என்றால் அது மிகையேயில்லை. One and Only! இந்த நாவல், இன்றுவரை ஆங்கிலத்தில் மொழிபெயர்க்கப்படாமை, ஈழப்போராட்டத்தின் இன்னுமொரு துன்பியல். ஈழப்போராட்டத்தையும், அது கருக்கொண்ட நாளில் இருந்து வளர்ந்து, பிறந்து, தவழ்ந்து, வாழ்ந்து, அதிர்ந்து ஓய்ந்த காலம்வரை நாம் கடந்துகொண்ட வாழ்வையும், பிரளயங்களையும், வலிகளையும், இழப்புக்களையும், கனவுகளையும் இத்தனை ஆழமாக, அழகுற, சரித்திரச் சான்றுகளைப் பிசைந்து, உயிரூட்ட தேவகாந்தனால் மட்டும்தான் இதுவரை முடிந்திருக்கிறது என்று நினைக்கிறேன். இது 200 - 300 பக்க நாவல் அல்ல. ஆயிரத்திற்கு ஒரே ஒரு பக்கம் குறைவான ஈழப்போராட்டத்தின் சாட்சியம். அத்தனையும் இரத்தமும், எலும்பும் கலந்த சதை. குருதியின் வெடில் மூக்கில் ஒட்டிக்கொண்டு நாட்கணக்கில் மனதை அலைக்கழிக்கிறது. பல காதாபாத்திரங்களுடன் பெரு நட்புப் பூண்டிருக்கிறேன். பலரது நாட்குறிப்புகளை இரகசியமாக வாசித்து இந்த நாவலை எழுதினாரா...
Read more